Jafnrétti – Menntaklif

Sjúk ást

Wed, 03 Apr 2019 13:49:10 +0000

Sjúk ást er forvarnarverkefni á vegum Stígamóta um ofbeldi í samböndum ungmenna. Verkefnið snýst um að fræða ungt fólk um mörk og samþykki og er markmiðið að ungmenni þekki muninn á heilbrigðum, óheilbrigðum og ofbeldisfullum samböndum.

Meðal þess sem hægt er að finna á vefsíðunni eru upplýsingar um kynlíf, klám, birtingarmyndir ofbeldis, hvað einkennir heilbrigð sambönd og margt fleira. Þá eru einnig upplýsingar um jafnrétti og femínisma auk kafla um aktívisma.

Sjúk ást heldur einnig út facebook síðu en hana má finna hér.

Starfsfólk Stígamóta býður upp á Sjúkást fræðslu fyrir nemendahópa í efri bekkjum grunnskóla og framhaldsskólum. Þá er einnig boðið upp á fræðslu fyrir fólk sem vinnur með aldurshópnum 13-20 ára í æskulýðs-, íþrótta- eða skólastarfi sem og foreldra. Fyrir nánari upplýsingar og til að panta fræðslu skal senda tövupóst á netfangið [email protected]

]]>

Ber það sem eftir er: Sexting og hrelliklám

Tue, 12 Apr 2016 00:55:47 +0000

Sexting (að skiptast á nektarmyndum) meðal barna og unglinga er sífellt meira í umræðunni, enda getur það haft alvarlegar afleiðingar. Rík þörf er fyrir vitundarvakningu – og upplýstir foreldrar eru besta forvörnin. Ef ekkert er aðhafst gætu fleiri börn lent í því að vera ber það sem eftir er á netinu.

Hrelliklám (einnig nefnt hefndarklám) er angi af sama meiði, en það er þegar nektarmyndum er dreift án samþykkis þess sem myndirnar eru af. Árið 2015 hélt Þórdís Elva Þorvaldsdóttir fyrirlestraröð fyrir foreldra í skólum víða um land þar sem fjallað var um sexting og hrelliklám undir yfirskriftinni „Ber það sem eftir er.“

]]>

Jafnréttisbaráttan – kennsluefni fyrir eldri nemendur í grunnskóla

Tue, 12 Apr 2016 00:32:50 +0000

Kennsluefnið er ætlað efri bekkjum grunnskóla 5.-10. bekk. Það samanstendur af sex æfingum og einu hópverkefni og hver æfing stendur sjálfstætt og því er frjálst að velja og nýta eitt verkefni. Stök æfing gæti átt heima í námsgreinum eins og samfélagsfræði, sögu, íslensku og stærðfræði. Séu verkefnin tekin saman standa þau sem heilt kynjafræðinámskeið sem hefst á sex æfingum sem allar miða að því að æfa nemendur í að geta unnið að hópverkefni sem ber heitið „Þetta er ekki æfing“. Hópvinnuaðferðina má kynna sér í Litrófi kennsluaðferðanna (2013) undir heitinu efniskönnun í vinnuhópum. Kjarninn í hópverkefninu er að nemendur starfi saman að því að gera verkefni sem þeim finnst mikilvægt. Nemendur eiga að reyna að hafa áhrif á umhverfi sitt og beyta sjálfstætt þeim verkfærum sem æfingarnar hafa látið þeim í hendur.

]]>

Ofbeldi gegn börnum – hlutverk skóla

Sat, 09 Jan 2016 12:01:44 +0000

Umfjöllunarefni þessarar handbókar er ofbeldi sem börn verða fyrir en markmiðið er að upplýsa kennara og annað starfsfólk skóla um einkenni og áhrif ofbeldis á börn og að vekja athygli á forvörnum, inngripi og úrræðum sem eru til staðar til að tryggja sem best velferð nemenda.

]]>

Erum við öll jöfn? Kynjamál og heimspeki

Fri, 27 Nov 2015 12:39:17 +0000

Í bókinni er fjallað um ýmsa þætti kynjamála með heimspekilegum hætti. Stuttar örsögur og spurningar þjóna sem kveikjur að heimspekilegum samræðum þar sem reynt er að efla skilning á kynjamálunum. Ítarlegar tillögur að notkunarmöguleikum má finna aftast í bókinni. Bókin er fyrst og fremst hugsuð fyrir börn og unglinga en fullorðnir geta einnig fundið ýmislegt áhugavert í henni til þess að rökræða frekar. Mögulegt er að fá kynningu frá höfundi á því hvernig nálgast megi kynjamálin með aðferðum heimspekinnar. netfang: johannbjo@gmail.com

Grein um bókina á veftímaritinu Knúz

]]>

Ég, þú og við öll – Sögur og staðreyndir um jafnrétti

Sat, 21 Nov 2015 17:26:28 +0000

Þessu námsefni er ætlað að vera grundvöllur að umfjöllun og vinnu í tengslum við jafnréttismenntun í skólum. Samkvæmt aðalnámskrá grunnskóla frá 2011 falla jafnréttismál undir samfélagsgreinar. Að auki er jafnrétti einn af sex grunnþáttum menntunar og á því að vera samofið öllu skólastarfi. Jafnrétti er því ekki fag sem er hægt að kenna einu sinni í viku heldur miklu frekar lífsmáti eða lífsstíll. Brýnt er að vera vakandi og nýta þau tækifæri sem gefast til umræðna og pælinga. Um leið og eitthvað kemur upp eða spurningar vakna þarf að ræða, svara, útskýra, leiðrétta misskilning, uppræta fordóma o.s.frv.
Nemendabókin er hugsuð fyrir nemendur í efri bekkjum miðstigs og jafnvel 8. bekk. Með lestri bókarinnar er nemendum boðið í eins konar ferðalag þar sem þeir kynnast börnum og fólki frá ólíkum heimshornum. Á ferðalaginu safna nemendur ýmsum hugtökum í verkfærakistuna sem gagnast þeim í jafnréttisumræðunni og við samfélagsrýni. Í því sambandi gæti verið tilvalið að láta nemendur skrifa dagbók eða leiðarbók um námið/ferðalagið.

Umfjöllunarefni nemendabókar mætti skipta í þrjá megin flokka:
– Sagt frá ýmsum hetjum í baráttunni fyrir jafnrétti.
– Reynslusögur barna um víða veröld, bæði sannar og skáldaðar.
– Útskýringar á félagsfræðilegum hugtökum sem notuð eru til að skilja jafnréttismál.

Ég, þú og við öll – Sögur og staðreyndir um jafnrétti

Ég, þú og við öll – Kennsluleiðbeiningar

]]>

Ævintýralegt jafnrétti

Tue, 10 Nov 2015 16:22:07 +0000

Þróunarverkefni sem unnið var í leikskólanum Iðavelli á Akureyri veturinn 2013-2014.

Kennsluefni í jafnréttisfræðslu í leikskóla. Kynjahugmyndir leikskólabarna.

Markmið þróunarverkefnissins var þríþætt: Fyrir börnin: Að vinna með og efla jafnréttisvitund leikskólabarna. Fyrir kennara/skólann: Að efla vitneskju kennarar um leiðir og árangur af markvissri jafnréttis- og kynjafræðiumræðu. Fyrir skólasamfélagið: Að til verði leiðir í samþættri vinnu í jafnréttis- og kynjafræði fyrir leikskóla.

]]>

Þjóðfélagsfræði – Á ferð um samfélagið

Tue, 10 Nov 2015 16:17:36 +0000

Á ferð um samfélagið er kennslubók í þjóðfélagsfræði fyrir unglingastig grunnskóla.
Bókin skiptist í fjóra hluta og 11 sjálfstæða kafla. Hægt er að nálgast bókina prentaða, sem rafbók og sem hljóðbók ásamt kennsluleiðbeiningum.

]]>

Þegar Rósa var Ragnar, þegar Friðrik var Fríða

Tue, 10 Nov 2015 15:20:56 +0000

Bókinni er ætlað að skapa umræður með ungum börnum um kynhlutverk og jafnrétti. Bókin samanstendur af tveimur sögum, sögunni um Friðrik og sögunni um Rósu sem vakna morgun einn sem gagnstætt kyn. Við fylgjumst með þeim einn dag, bæði heima og í leikskólanum og fáum að upplifa væntingar og kröfur sem gerðar eru til þeirra út frá kyni. Bókin endurspeglar veruleikann eins og hann er, það er að stelpur og strákar fá mismunandi skilaboð, frá öðrum börnum og frá fullorðnum.

Mikilvægt er að hinir fullorðnu kynni sér efni bókarinnar vel áður en hún er lesin fyrir börnin. Þeir sem ætla að nota bókina í jafnréttisstarfi með börnum þurfa að vera meðvitaðir um álitamálin ef bókin á að nýtast eins og til er ætlast.

Vefslóðir:

Þegar Rósa var Ragnar, þegar Friðrik var Fríða
Kennsluleiðbeiningar

]]>

Úr viðjum vanans

Tue, 10 Nov 2015 12:32:50 +0000

Þetta er B.Ed. verkefni Höllu Gunnarsdóttur frá Kennaraháskóla Íslands frá árinu 2002 og jafnframt fræðsla fyrir kennara og fólk sem starfar við uppeldismál. Í ritgerðinni er kynmótun og kynferðislegt ofbeldi tekið fyrir. Þar eru einnig hugmyndir að kennsluefni tengdu þessum málum. Í ritgerðinni er farið yfir það hvernig kynmótun samfélagsins viðheldur mismun kynjanna og upplýsingar um kynferðislegt ofbeldi eru þannig grafnar niður. Í hverjum kafla er að finna almenna fræðslu fyrir kennarann og í lok hvers kafla eru hugmyndir að því hvernig efnið er nýtt til kennslu.

]]>